SEDANEWS.AZ

Dunya xeber agentliyi

    "Azəristiliktəchizat" qışa hazırdır? - Noyabrın 1-dən 9 rayona istilik verilib

    Kategori: İQTİSADİYYAT Tarix: 5-11-2018, 11:31 Bildir?

    "Azəristiliktəchizat" qışa hazırdır? - Noyabrın 1-dən 9 rayona istilik verilib

                          
                
    2018-2019-cu illər payız-qış mövsümünə hazırlıqla əlaqadar olaraq "Azəristiliktəchizat" ASC tərəfindən təsdiq edilmiş tədbirlər planlarına uyğun olaraq istilik təchizatı obyektlərinin mövcud qazanxana, istilik şəbəkələri, magistral və məhəllədaxili istilik kəmərləri, nəzarət ölçü cihazları və avtomatika, qaz, elektrik, nəqliyyat təsərrüfatları və digər istehsal təyinatlı avadanlıqların mövsümə hazırlanması ilə bağlı tədbirlərin icrası davam etdirilir.
    Milli.Az xəbər verir ki, bu barədə Trend-ə açıqlamasında "Azəristiliktəchizat" ASC-nin Abonent və Müştəri Xidmətlərinin rəisi Rafiq Əliyev deyib.
    Onun sözlərinə görə, istilik mövsümü respublikanın dağ və dağətəyi rayonlarında noyabrın 1-dən başlayıb: "Artıq ölkənin 9 rayonunda istilik sistemindən istifadəyə başlanılıb. Həmin ərazilər dağlıq və dağətəyi rayonlar olduğundan, burada qış rejiminə noyabrın 1-dən keçilib. Digər ərazilərdə, o cümlədən Bakı şəhərində 15 noyabr tarixindən başlanılacaq. Mövsüm ərzində "Azəristiliktəchizat" ASC-yə məxsus 550 qazanxana istismar edilməklə 3800 yaşayış binası, o cümlədən 180,0 mindən artıq mənzil, 290 məktəb, 150 uşaq bağçası, 160 səhiyyə müəssisəsi və 1300-ə yaxın digər sosial və təsərrüfat obyektlərinin istiliklə təmin edilməsi nəzərdə tutulur".
    R.Əliyev bildirib ki, bununla əlaqədar olaraq istilik mövsümündə işləməsi nəzərdə tutulan bütün qazanxana və istilik məntəqələrində nasoslar, elektrik mühərrikləri təmir olunub: "Qazanlar və istilik mübadilə aparatları mexaniki və kimyəvi üsulla təmizlənib, nəzarət ölçü cihazlarının və elektrik avadanlıqlarının dəyişdirilməsi və sazlanması həyata keçirilib, magistral və məhəllədaxili istilik xətləri təzyiqlə yoxlanılaraq sınaqdan keçirilib və qış mövsümündə problem yarada biləcək istilik xətləri dəyişdirilərək yenisi ilə əvəz olunub, qazanxanalar ehtiyat qazan və nasoslarla təmin edilib".
    Qurum rəsmisi bildirib ki, tədbirlər planına əsasən 550 qazanxana və 90 istilik məntəqəsi kompleks yoxlanılıb, 564 odluq təmir olunub: "Həmçinin 700 ədəd qazan aqreqatı əsaslı və cari təmir olunub, qazanların 27 425 m ekran boruları və konvektiv hissələri dəyişdirilib, 1100 ədəd qazan mexaniki və kimyəvi üsulllara təmizlənib, qazanlarda 1210 kvadratmetr izolyasiya örtüyü təmir olunub. İstilik şəbəkələrində 20 710 ədəd siyirtmə və ventil təftiş olunub, onlardan 9750 ədədi əsaslı təmir olunub, 705 ədədi isə yenisi ilə əvəz olunub. Magistral və məhəllədaxili istilik xətlərində 14 870 kv.m istilik örtük qatı, qazanxana və istilik məntəqələrində 12500 kv.m dam örtüyü təmir edilib. Bundan başqa, 595 ədəd kimyəvi su yumşaltma qurğuları işə hazırlanaraq tənzimlənib".
    O əlavə edib ki, istilik təchizatı sistemində ən vacib sahələrdən birinin magistral istilik xətləri olduğu nəzərə alınaraq 2018-2019-cu illər istilik mövsümünə hazırlıq tədbirləri çərçivəsində bu sahədə də əhəmiyyətli işlər görülüb: "Belə ki, 974 km istilik xətləri yuyulub və hidravlik təzyiqə yoxlanılıb, 30.5 km məhəllədaxili və magistral istilik xətləri əsaslı təmir olunub, 675 km istilik kəməri təmirdən sonra hidravlik təzyiqə yoxlanılıb.
    Bundan başqa, 1880 ədəd qoruyucu klapan və 2280 ədəd əks klapan, 465 ədəd ehtiyat su çəni təftiş və təmir olunub, 3080 ədəd çirktutan təmizlənib və 1154 ədəd qaz təsərrüfatı təftiş olunaraq 104 km qaz xətti yoxlanılıb".
    R.Əliyev deyib ki, hazırda payız-qış mövsümünə hazırlıqla əlaqədar tədbirlər davam etdirilir: "Məsələn, bu il Sumqayıt şəhərində 18-ci mikrorayon ərazisində yeni qazanxana istifadəyə veriləcək. Həmin qazanxana vasitəsilə 24 yaşayış binası və 2 uşaq bağçası istilik sistemi ilə təmin olunacaq. Qazanxana noyabrın 15-də istifadəyə veriləcək.
    Eyni zamanda bildiririk ki, payız qış mövsümünün yaxınlaşması ilə əlaqadar istehlakçılar tərəfindən də yaşayış binaları, mənzillər və sosial obyektlərdə qoruyucu tədbirlər görülməli, binaların ümumi istifadədə olunan hissələrində, pilləkən qəfəslərində və digər yerlərdə qapı və pəncərələrdən itkilərin qarşısının alınması üçün müəyyən işlər görülməli, binadaxili və mənzildaxili istilik sistemləri təkrar yoxlanılmalı, istilik sistemlərində yaranmış su sızmaları və axıntılar dərhal aradan qaldırılmalı, əvvəlki mövsümdə istilikvermə qabiliyyəti zəif olan qızdırıcı cihazlar yuyularaq təmizlənməli və ya yenisi ilə əvəz olunmalı, köhnə polad borulardan olan dik dayaqlarda tutulma halları müşahidə olunduğu zaman həmin dayaqlar yenisi ilə əvəz olunmalıdır".

    Prezident İlham Əliyev: "Dağlıq Qarabağ münaqişəsi ilə bağlı Səudiyyə Ərəbistanının ədalətli və qardaşlıq hisslərinə əsaslanan mövqeyi Azərbaycanda çox böyük minnətdarlıq hissi ilə qarşılanır"

    Prezident İlham Əliyev: "Dağlıq Qarabağ münaqişəsi ilə bağlı Səudiyyə Ərəbistanının ədalətli və qardaşlıq hisslərinə əsaslanan mövqeyi Azərbaycanda çox böyük minnətdarlıq hissi ilə qarşılanır" - FOTO...

    Nazir: Qars-İğdır-Naxçıvan dəmir yolu layihəsi hazırlanma mərhələsindədir

    Nazir: Qars-İğdır-Naxçıvan dəmir yolu layihəsi hazırlanma mərhələsindədir...

    Astarada əhalinin mənzil-məişət şəraitinin yaxşılaşdırılmasına 3 milyon manat ayrılıb

    Astarada əhalinin mənzil-məişət şəraitinin yaxşılaşdırılmasına 3 milyon manat ayrılıb Prezident İlham Əliyev Astara şəhərində əhalinin mənzil-məişət şəraitinin yaxşılaşdırılmasına dair tədbirlər haqqında sərəncam imzalayıb....

    Politoloq: "Prezident İlham Əliyevin rəhbərliyi ilə Azərbaycanda bütün sahələrdə ciddi inkişaf və irəliləyişə nail olunub" #SİYASƏT

    Politoloq: "Prezident İlham Əliyevin rəhbərliyi ilə Azərbaycanda bütün sahələrdə ciddi inkişaf və irəliləyişə nail olunub"...

    Yorum ekle
    Lütfen düşüncelerinizi özgünce ifade etmeye çalışın

    Kodu girin:
    Okunamayan kodu yenilemek için resmin üstüne tıklayınız


Sitemizi değerlendirin

image
image
image
image
Web Designer

Saytin butun huquqlari qorunur. Aslan Kazimov 2018
Taglar


«    Aralık 2018    »
PtSaÇaPrCuCtPz
 12
3456789
10111213141516
17181920212223
24252627282930
31 
Aslan Kazimov aslan.m58@hotmail.com,Facebook Hesabim-Facebook - Instagram - ASLAXNN