Böyük şairimizlə bağlı möhtəşəm konsert 

                Dekabrın 21-i saat 19.00-da Azərbaycan Dövlət Təhlükəsizlik Xidmətinin Mədəniyyət Mərkəzində bəstəkar və müğənni Sevinc Ağasiyevanın “Nəsimi ili”nə həsr edilən “Həqq məndədir” adlı solo konserti olacaq.
Kult.az xəbər verir ki, əməkdar artist, tarzən Şəhriyar İmanov, bədii qiraət ustası Xəzər Süleymanlının da iştirak edəcəyi konsertdə Tofiq Quliyev, Süleyman Ələsgərov və Sevinc Ağasıyevanın İmadəddin Nəsiminin qəzəllərinə bəstələnən mahnıları səslənəcək və qəzəlləri oxunacaq.
Tədbirdə musiqisi tanınmış kamança ifaçısı Mark Eliyahu, sözləri Nəsimiyə aid olan və Sevinc Ağasıyeva tərəfindən ifa ediləcək “Etməgil” mahnısının klipi də təqdim olunacaq.
Giriş sərbəstdir.
Qeyd edək ki, konsert Azərbaycanın “Mədəniyyət” televiziya kanalı tərəfindən lentə alınacaq və tamaşaçıların ixtiyarına veriləcək.

---

---