Bakıda güclü yanğın: Qatar və təyyarə də cəlb olundu
Yanğının söndürülməsinə kömək məqsədilə dəmir yolunun iki yanğınsöndürmə qatarı da hadisə yerinə yollanıb. Bu barədə mətbuata Azərbaycan Dəmir Yolları QSC-dən məlumat verilib.
Qatarlardan biri hazırda Biləcəri-Xırdalan mənzilindədir. İkinci yanğınsöndürmə qatarı H. Z. Tağıyev-çeşidləmə stansiyasından gətirilir.
Yanğının söndürülməsində su çatışmazlığı yaranacağı təqdirdə yanğınsöndürmə qatarındakı su ilə dolu çən vaqonlarının suyundan istifadə olunacaq.
Qeyd edək ki, yanğının söndürülməsinə FHN-in 3 helikopteri və Aviasiya dəstəsinin 1 ədəd BE-200ÇS tipli təyyarəsi cəlb olunub.
Mətndə səhv var? Onu siçanla seçin və Ctrl+Enter düyməsini basın.