Eyni zamanda 6 aprel Brüssel görüşündən sonra Putin-Paşinyan görüşü (19 apreldə) baş tutdu və bundan sonra Nikol Paşinyanın davranışlarında, çıxışlarında müxtəlif təzadlı məqamlar nəzərə çarpırdı. Lakin Brüssel sülh gündəliyinin davam etdiyini də biz müşahidə edirik. Çünki Azərbaycanın xarici işlər naziri Ceyhun Bayramovla Ermənistanın xarici işlər naziri Ararat Mirzoyan arasında təmaslar davam etdirilir. Artıq ikinci dəfədir ki, telefon danışığı baş tutur və presedent yardır. Çünki buna qədər XİN rəhbərləri arasında telefon danışıqlarının keçirildiyi nəzərə çarpmamışdı. Və artıq ikili təmaslardan sonra 11 yanvar 2021-ci il tarixində Moskva Bəyanatı əsasında formalaşan hökümətlərarası işçi qrupu baş nazirlərin müavinləri səviyyəsində fəaliyyət göstərir və Rusiya baş nazirinin müavini Aleksey Overçuk da hazırkı durumda fəallaşıb və Bakıya səfər edir. 
     Aprel ayının sonuna qədər Azərbaycan-Ermənistan sərhədlərini nişanlamaq istiqamətində komissiya çağırılmalıdır və onun mandatına görə təhlükəsizlik zəmanətləri də burada yer almalıdır. Ona görə də aprel ayının sonuna qədər bu işlər həyata keçirilməlidir. Lakin Rusiyanın əsas məqsədi həm də nəqliyyat-kommunikasiya əlaqələrinin bərpa olunması, iqtisadi fəallığın artırılmasıdır. Çünki Rusiya-Ukrayna müharibəsindən sonra Rusiyaya qarşı ciddi məhdudlaşdırıcı tədbirlər və iqtisadi sanksiyalar tətbiq olunur və regionun inkişaf etdirilməsi həm də Rusiya iqtisadiyyatına müsbət dividentlər qazandırır. Bu baxımdan Aleksey Overçuk həm də regiona səfər edir və sülh prosesi konteksində məsələlərin nizamlanması ilə məşğul olur. 
Ümumilikdə, həm Avropa İttifaqının, həm də Rusiyanın burada sülh yaratma prosesində bir rəqabəti də hiss olunur. Bu rəqabət ümumilikdə regionun inkişafına xidmət etməlidir və tərəflər arasında olan ziddiyətlərin aradan qaldırılmasına, sülhün dayanıqlılığının artırılmasına yönəlməlidir".
    Qeyd edək ki, dünən Rusiya Federasiyasının Xarici İşlər Nazirliyinin Azərbaycan-Ermənistan münasibətlərinin normallaşması üzrə xüsusi nümayəndəsi İqor Xovayev Bakıya gələrək Prezident İlham Əliyevlə görüşüb. Bu gün isə dövlət başçısı Rusiya Federasiyasının Baş nazirinin müavini Aleksey Overçuku qəbul edib.
Təhməz Əsədov
Milli.Az

---

---