Əziz xalqım, uşaqlarımızı təhsilə yönəldin. Xüsusilə, qız uşaqlarının təhsil almasına, onların öz ayaqları üzərində durmasına dəstək olun, qayğı göstərin. Qız uşaqlarının təhsil alması daha önəmlidir. Bir qadının təhsil alması bir ailənin təhsilli olması deməkdir ki, cəmiyyət də ailələr üzərində qurulur.

Kult.az xəbər verir ki, bu sözləri xalq artisti, dünya şöhrətli müğənni Zeynəb Xanlarova İnstaqram hesabında yazıb.
“Bu yaxınlarda Xoşqədəm Hidayətqızının verilişində olan hadisə, Əfsanənin başına gələnlər və törətdiyi faciələr məni çox sarsıtdı. Bunun əsas səbəbi valideynlərdir. Qız uşağını körpə yaşda evliliyə məcbur etmək olmaz. Erkən yaşda evlilikdənsə, qızlarımız oxumağa meyil göstərsinlər".

---

---