“Ucqar rayonlarda, eləcə də Naxçıvanda vəkillərin sayı azdır. Mövcud qanunvericiliyə görə test mərhələsindən keçən vəkil namizədlər üçün 3 illik iş stajı tələbi qoyulub və bu, absurddur.
Vəkilliyə qəbul asanlaşdırılmalıdır”.
  “Report” xəbər verir ki, bunu Milli Məclisin deputatı Fazil Mustafa parlamentin növbədənkənar sessiyasının iyulun 14-də keçirilən iclasında deyib.
Deputat qardaş Türkiyədə belə həmin tələbin olmadığını xatırladıb:
“Vəkillik prokurorluq, hüquq-mühafizə orqanı deyil. Onlara maksimum 1 il iş stajı vaxtı verilə bilər.    Ona görə də qanunvericilikdə 3 illik müddəanın ləğvi lazımdır. Vəkilliyə qəbul asanlaşdırılmalıdır”.

---

---