sedanews.az
sedanews.az

Almaniyada Reyn çayına görə əhali evakuasiya edilir

16-07-2021, 16:18 432 dəfə baxılıb

Almaniyada Reyn çayına görə əhali evakuasiya edilir


Almaniyada aramsız yağış çaylarda suyun səviyyəsinin artmasına səbəb olub.
“Report”un Avropa bürosunun məlumatına görə, Reyn çayının keçdiyi Şimali Reyn Vestfaliya əyalətininin Köln, Düsseldrof kimi böyük şəhərlərində çay sahilinə yaxın yerləşən evlərdə yaşayan sakinlər bu gün səhər saatlarında ərazidən evakuasiya edilməyə başlayıblar.
Onlar şəhərin müxtəlif ərazilərində qurulan və Almaniya Qırmızı Xaç Cəmiyyətinə aid müvəqqəti düşərgələrə yerləşdiriləcəklər.
Köln və Düsseldorf şəhər bələdiyyəsindən bildirilib ki, bu gün və sabah çayda suyun səviyyəsinin 8 metri keçəcəyi gözlənilir.
“Əhaliyə müraciət etmişik. Hər kəs təcili evini tərk edib, göstərilən ünvanlardakı düşərgələrə gəlməlidir. Suyun səviyyəsi qalxandan sonra evakuasiya işləri çətinləşəcək. Bu daha çox xilasedici, daha çox texnikanın ərazilərə cəlb olunması deməkdir” - deyə, Köln bələdiyyəsindən bildirilib.
Reyn çayında suyun səviyyəsinin qalxması nəqliyyatın hərəkətini də iflic edib. Köln-Koblenz şəhərləri arasındakı dəmir yollarının su altında qalması bu istiqamətdə olan səfərlərin təxirə salınması ilə nəticələnib. Almaniya Dəmir Yollarından bildirilib ki, mövcud vəziyyətlə əlaqədər xəttə alternativ olaraq avtobuslar çıxarılıb.
Reyn çayı ilə hərəkət edən yük gəmilərinin hərəkəti də selin ətirdiyi ağac kötükləri səbəbindən çətinləşib.
Məlumat üçün bildirək ki, Almaniyanın qərbində baş verən sel nəticəsində ölənlərin sayı 80 nəfərə yüksəlib. 1300 nəfər barəsində polisə itkin düşdüyü məlumatı verilib.
Hazıda bəzi ərzilərdə havanın yağıntısız olması səbəbindən dəymiş ziyanın hesablanması üçün əyalət baş nazirliyinə tabe olan qurumların əməkdaşları araşdırmalar aparırlar.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA