Baxış Sahib oğlu Əsədov, 30 iyun 1999-cu ildə Ağdam rayonunun Birinci Yüzbaşlı kəndində dünyaya göz açmışdır. Uşaqlıq illərindən sakit təbiəti, nümunəvi əxlaqı və vətənpərvərliyi ilə seçilən Baxış, orta təhsilini doğma kəndində başa vurmuşdur. Həqiqi hərbi xidmətini Naxçıvan Muxtar Respublikasında yerləşən "N" saylı hərbi hissədə uğurla başa vurduqdan sonra da daxilindəki Vətən sevgisi onu rahat buraxmamışdır. O, hərbi xidmətdən sonra müddətdən artıq həqiqi hərbi Xxdmət qulluqçusu (MAHHXHQ) kimi Azərbaycan Silahlı Qüvvələrinin sıralarına yenidən qoşulmuşdur.

  2020-ci il sentyabrın 27-də başlayan 44 günlük Vətən müharibəsi Baxışın ən böyük arzularından birini – torpaqlarımızın azadlığını görmək fürsətini reallaşdırdı. O, döyüşlərin ilk günündən ön xətdə qərar tutdu. Tərtər rayonunun Suqovuşan qəsəbəsi istiqamətində gedən şiddətli döyüşlərdə iştirak etdi. Düşmən mövqelərinin yarılması və strateji yüksəkliklərin azad olunması zamanı böyük şücaət göstərən Baxış Əsədov, sentyabrın 28-də döyüş tapşırığını yerinə yetirərkən qəhrəmancasına şəhid oldu. Nurlu nəşi Ağdam rayonunun Xındırıstan kənd qəbiristanlığında torpağa tapşırılmışdır.

  Göstərdiyi rəşadət və hərbi hissə qarşısında qoyulmuş tapşırıqları şərəflə yerinə yetirdiyi üçün Azərbaycan Respublikasının Prezidenti İlham Əliyevin sərəncamları ilə ölümündən sonra növbəti dövlət mükafatlarına layiq görülmüşdür: