Azərbaycan Xarici İşlər Nazirliyi (XİN) Mərkəzi Afrika Respublikasına başsağlığı verib.
sedanevs.az xəbər verir ki, bu barədə XİN-in "X" hesabında məlumat verilib.
"Mərkəzi Afrika Respublikasında çoxsaylı insanın həyatını itirməsinə və xəsarət almasına səbəb olan qızıl mədənində baş vermiş ölümcül qəza xəbəri bizi dərindən kədərləndirib.
Həlak olanların ailələrinə, eləcə də Mərkəzi Afrika Respublikasının xalqına və hökumətinə dərin hüznlə başsağlığı veririk. Xəsarət alanların tezliklə və tam sağalmasını arzulayır, hadisədən zərər çəkən hər kəsin mümkün qədər qısa müddətdə təhlükəsizliyinin təmin olunacağına ümid edirik", - deyə məlumatda bildirilib.
Qeyd edək ki, Kamerun və Mərkəzi Afrika Respublikasının sərhədində qızıl mədəninin çökməsi 100-ə yaxın insanın həyatına son qoyub.

We are deeply saddened by the news of deadly gold mine accident in the Central African Republic, which claimed many lives and caused injuries.

We extend our heartfelt condolences to the families of the victims and to the people and government of the Central African Republic.

We…

— MFA Azerbaijan 🇦🇿 (@AzerbaijanMFA) August 20, 2026