sedanews.az
sedanews.az

İki gün evdə qalsaq da, koronavirusa yoluxma sayı niyə azalmır?

8-06-2020, 11:45 265 dəfə baxılıb

İki gün evdə qalsaq da, koronavirusa yoluxma sayı niyə azalmır?

                            
            
İki gündür evdəyik, amma, yoluxma sayı 300-dən yuxarıdır
Son günlərin ən çox müzakirə mövzusu şənbə-bazar günlərində karantin rejiminin tətbiq olunmasıdır. Koronavirusun ciddiliyini dərk edən və məsuliyyəti başa düşən şəxslər qərarı normal qəbul etsələr də, virusa laqeyd yanaşan və bunun mövcudluğuna inanmayanlar küçəyə çıxma qadağasını yersiz hesab edərək, hər cəhdlə bu qaydaları pozmağa çalışdılar.
İki gün ərzində onlarla şəxs karantin qaydalarını pozaraq küçəyə çıxıb, futbol və digər oyunlar oynayıb, çardaqda özünə ziyafət verib. Bu yoluxma sayının artmasına təsir etsə də, son günlərdəki statistikanın 300-dən yuxarı olmasına səbəb deyil.

Sosial şəbəkə istifadəçiləri arasında həftəsonu sərt karantin rejiminin tətbiq edilməsinə baxmayaraq rəqəmlərin yüksək olmasını əsas gətirib, küçəyə çıxma qadağasını mənasız hesab edənlər var idi. Görünür, əksəriyyət, virusa yoluxma sayının həmin gün ərzində baş verdiyini düşünür. Bu düşüncə isə, tamamilə, koronavirusla bağlı məlumatsızlıqdan irəli gəlir.
Hər bir virus kimi, koronavirusun da inkubasiya dövrü var. Bu virus maksimum 14 gün ərzində simptomlarını göstərə bilər (Bəzi insanlar, ümumiyyətlə, koronoviusu simptomsuz keçirir). Belə ki, son günlərdə rəqəmlərin yüksək olmasının səbəbi iki həftə əvvəl karantin rejiminin yumşaldılması ilə bağlı qərardan sonra insanların məsuliyyətsiz şəkildə, sosial məsafə qorumadan, maskasız hərəkətinin nəticəsidir.
Həm virusun inkubasiya dövrünü, həm də insanların bir çoxunun xəstəliyi özünə "yaraşdırmadığına" görə bir neçə gün evdə müalicə etməyə çalışdıqdan sonra çarəsiz qalıb təcili yardım çağırmasını nəzərə alsaq, yuxardakı sualın cavabını asanlıqla tapmaq olar.
  Həftəsonu qadağasının və maska taxmamağa görə cərimənin rəqəmlərə təsirini isə növbəti həftələrdə görəcəyik.
Rəqəmlərin daha da artmaması üçün bizim öhdəmizə düşən təkcə cərimələnməyək deyə yox, sağlamlığımız üçün tibbi maskadan istifadə etmək və sosial məsafəni qorumaq və gigiyena qaydalarına əməl etməkdir.
Qeyd edim ki, Operativ Qərargahın məlumatına görə, bugünədək Azərbaycanda 88 nəfər Covid-19 virusu səbəbi ilə dünyasını dəyişib.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA