Sedanews.az xəbər verir ki, prezident.az saytında Ramiz Mehdiyevlə bağlı bütün məlumatlar silinib. Saytın axtarış sistemində onun adı üzrə sorğu verilərkən heç bir nəticə çıxmır.
Bundan başqa, saytın arxiv bölməsində Mehdiyevə "Heydər Əliyev" ordeninin təqdim edilməsinə dair 23 oktyabr 2019-cu il tarixli sərəncam və Prezident İlham Əliyevin ordeni şəxsən təqdim etdiyi video da artıq açılmır.
Qeyd edək ki, Ramiz Mehdiyev barəsində hakimiyyəti zorla ələ keçirmə və dövlətin konstitusiya quruluşunu zorla dəyişdirmə maddələri ilə cinayət işi açılıb. Səbail Rayon Məhkəməsinin qərarına əsasən, o, dörd ay müddətinə ev dustaqlığına məhkum edilib./oxu.az