Qəhrəmanlar unudulmur – Polad Həşimovun əziz xatirəsinə.  Tarix yazan general – Polad Həşimov
  2020-ci ilin iyul hadisələri Azərbaycanın yaddaşına əbədi həkk olunmuş bir qəhrəmanlıq dastanı ilə yazıldı. Bu dastanın önündə dayananlardan biri isə general-mayor Polad İsrayıl oğlu Həşimov idi. 2 yanvar 1975-ci ildə Qəbələ rayonunun Vəndam qəsəbəsində dünyaya gələn Polad Həşimov, vətənə olan sədaqəti, əqidəsi və qətiyyəti ilə hər zaman seçilən bir zabit kimi yadda qaldı.  Polad Həşimov 1992-ci ildə orta məktəbi bitirdikdən sonra   Azərbaycan Ali Hərbi Məktəbinə qəbul olunmuş, zabit kimi xidmətə başlamışdı. Özünə qarşı tələbkarlığı, əsgərlərinə qarşı isə mərhəməti ilə nümunə göstərilən komandir, uzun illər ərzində müxtəlif hərbi hissələrdə məsul vəzifələrdə çalışmışdır.
  2020-ci ilin iyul ayında Tovuz istiqamətində Ermənistanın törətdiyi təxribatın qarşısını alan zaman Polad Həşimov ön cəbhədə, əsgərləri ilə bərabər döyüşür və qəhrəmancasına şəhid olur. Onun şəhadəti yalnız bir generalın yox, bütöv bir xalqın igid oğlunun itkisi idi.
  Şəhid generalın cənazəsi Sumqayıt şəhərində dəfn olunmuş, minlərlə insan tərəfindən son mənzilə yola salınmışdı. Onun dəfni təkcə matəm yox, həm də xalqın qürur gününə çevrildi. Çünki Polad Həşimov ömrünü Vətənə həsr etmişdi.
   Polad Həşimov ölümündən sonra Prezident İlham Əliyevin sərəncamı ilə "Azərbaycanın Milli Qəhrəmanı" fəxri adına layiq görülmüşdür. Onun adı Azərbaycanda bir çox məktəblərə, küçələrə və mədəniyyət ocaqlarına verilib. Həmçinin onun adına xatirə abidələri ucaldılıb.
    Polad Həşimovun adı təkcə bir general olaraq yox, həm də insanlığı, vətənpərvərliyi, dürüstlüyü ilə yadda qaldı. Xalq onu “Polad ürəkli general” adlandırdı. Onun haqqında çəkilən sənədli filmlər, yazılan şeirlər və mahnılar hələ uzun illər yaddaşlarda yaşayacaq.
Polad Həşimov şəhid oldu, lakin xalqının qəlbində əbədi yaşadı. Onun kimi igidlər sayəsində bu torpaq azaddır, bu xalq başı dikdir.

   Ruhu qarşısında baş əyirik. Allah rəhmət eləsin!
    Sedanews.az