Azərbaycanda müxtəlif banklar fərqli şərtlərlə müştərilərə nağd pul kreditləri təklif edir. Bankların təqdim etdiyi nağd pul kreditlərinin faiz dərəcələri, komissiya xərcləri, kreditin müddəti və məbləği fərqlidir. 
sedanevs. az  banklara istinadən xəbər verir ki, nağd pul kreditlərinin məbləği 300 AZN-dən 150 000 AZN-ə qədər dəyişir. Faiz dərəcələri isə minimal 9,5%-dən başlayır və müxtəlif banklarda 18 faizə qədər yüksəlir. Kredit müddətləri 3 aydan 60 aya qədər təklif edilir. Çox sayda bank komissiyasız kredit imkanı təqdim etsə də, bəziləri müəyyən komissiyalar tətbiq edir. Komissiyalar 0-4 faiz arasında dəyişir.
Azərbaycanın müxtəlif banklarında təqdim olunan nağd pul kreditlərinin faiz dərəcələri, komissiya xərcləri və kredit məbləğləri haqqında ətraflı məlumatı təqdim edirik:

Bank	Məbləğ (AZN)	İllik faiz dərəcəsi başlayır	komissiya	küddət (ay)
Azərbaycan Beynəlxalq Bankı	300 – 50 000	10,9 %	0%	3-60
Azər-Türk Bank	300 – 40 000	11%	0-1,5%	3-48
Access Bank	500 – 40 000	10%	0-3%	6-48
AFB Bank	500 – 50 000	10,5%	0%	3-59
Azərbaycan Sənaye Bankı	500 – 30 000	13%	1%	2-36
Bank Avrasiya	500 – 100 000	13%	0-0,5%	12 – 59
Bank BTB	300 – 30 000	18%	0%	3-48
Bank of Baku	500 – 50 000	9,9%	0%	3-59
Bank Respublika	200 – 50 000	10%	1%	3-59
Expressbank	300 – 70 000	11,9%	0-3%	3-59
Kapital Bank	300 – 50 000	10,9%	0%	3-59
Rabitəbank	300 – 30 000	10,5%	0%	3-48
Turan Bank	500 – 50 000	9,9%	0-2%	6-59
Unibank	300 – 50 000	9,5%	0%	3-60
VTB Bank	300 – 50 000	10,49%	0%	6-59
Xalq Bank	500 – 150 000	12%	0,5%	12-59
Yapı Kredi Azərbaycan	300 – 50 000	14%	1,65-2%	3-59
Yelo Bank	400 – 50 000	10,9%	1-3,5%	6-59
Paşa Bank	2 000 – 50 000	11,5%	0-3%	3-48
Ziraat Bank	50 000 AZN-dək	17%	1%	36 ayadək

 
Azərbaycanda nağd pul kreditləri üzrə faiz dərəcələri ölkənin inflyasiya və iqtisadi vəziyyəti ilə müqayisədə yüksəkdir. Banklar 9,5 faizdən başlayan faizlə kredit təklif etsələr də bəzi banklarda faizlər 18 faizə qədər yüksəlir. Bu, hətta ən aşağı faizlə kredit götürən müştərilər üçün belə ödənilən ümumi məbləğin əhəmiyyətli dərəcədə artmasına səbəb olur.
Bəzi banklar nağd pul krediti təklif edərkən 0%-3% arasında komissiya haqqı təyin edirlər. Bu isə əlavə maliyyə yükü yaradır və kredit götürən şəxsin xərcləri gözləniləndən daha yüksək ola bilər. Hər nə qədər banklar bu komissiyanı əsaslandırmağa çalışsalar da müştəri üçün "gizli xərclər" olaraq qalır.
Bəzi banklar kampaniyalarla kredit təklif etsələr də, bu kampaniyaların çoxu yalnız böyük məbləğlər üzrə təklif edilir və bu, kiçik ehtiyacları olan şəxslər üçün əlverişli olmur(modern)

---

---