“Bravo”dan göndərilən mesajlar yalandır

“Bravo” supermarketlər şəbəkəsi insanlara Vatsap tətbiqi vasitəsilə göndərilən keçidlərlə bağlı açıqlama yayıb.
Axar.az xəbər verir ki, açıqlamada bu gün əhali tərəfindən paylaşılan və “Bravo”nun adı qeyd olunan mobil oyun keçidinin “Bravo”ya aid olmadığı bildirilib.
“Mobil telefonlarınızın təhlükəsizliyi üçün bu keçidi açmamağınız tövsiyə olunur”, - açıqlamada deyilib.
Qeyd edək ki, dünən naməlum şəxslər tərəfindən Vatsap tətbiqi vasitəsilə istifadəçilərə “Bravo” marketləri adından mesajlar göndərilib və bu mesajlardaki keçidi 20 nəfərə göndərən insanlara müəyyən məbləğdə pul vəd edilib.

---

---