Universitetin105 illiyinə həsr olunan tədbirdə 105 şirkət iştirak edir
Bakı Dövlət Universitetində (BDU) Dövlət Məşğulluq Agentliyinin təşkilati dəstəyilə Karyera Festivalı keçirilir.
   REAL xəbər verir ki, açılış mərasimində BDU-nun rektoru Elçin Babayev, Dövlət Məşğulluq Agentliyinin İdarə Heyətinin sədri Mustafa Abbasbəyli çıxış ediblər.
   Tədbirdə məlumat verilib ki, BDU-nun 105 illik yubileyinə həsr olunmuş Karyera Festivalında ölkəmizin nüfuzlu 105 şirkəti universitetin tələbə və məzunlarına 1245 vakansiya, 98 təcrübə, 9 təqaüd proqramı təqdim edir.
Festivalın keçirilməsində məqsəd tələbə və məzunların əmək bazarına çıxışını asanlaşdırmaq, işəgötürənlərlə əlaqələrin qurulmasını təmin etməkdir.
Mayın 1-də müxtəlif mövzularda vörkşop və panel müzakirələr keçiriləcək.

---

---