Qalibiyyət ruhlu xalq

                         “Heydər Əliyev dahi

                            şəxsiyyət, uzaqgörən lider,

                                cəsarətli insan idi”.

                                               İlham Əliyev

          Bir əsr bundan əvvəl - 1923-cü il may ayının 10-da dünyaya gəlmiş bir oğlan

uşağının, yəqin ki, gələcəkdə bəşər tarixində hansı izlər qoyacağını heç kim hiss

etməmiş, duymamışdı…

          Bu tarixi şəxsiyyətin illər sonra xalqımız üçün dəyəri qərinələr bir-birini əvəz

etdikcə bariz şəkildə, ardıcıl inkişaf timsalında duyulacaq, qiymətləndiriləcəkdi…

Heydər Əliyev cahanşümul, titanik məqsədyönlü fəaliyyəti, yorulmaq

bilməyən səyləri Azərbaycanı Sovet dövründə də, müstəqillik illərində də inkişaf

etmiş dünya dövlətləri sırasında mötəbər layiqli yerə ucaltmışdır.

        Ömrünü vətəninə xidmətə həsr etmiş Ulu Öndər hələ zərif təməllər üzərində

dövlət müstəqilliyi qurmağa çalışan Azərbaycana siyasi ruh vermiş, etibarlı

təməllər üzərində dirçəltmişdir.

Ümummilli Lider Heydər Əliyevin şərəflə keçdiyi ömür yoluna ekskurs

etməli olsaq, xalqımızın bu müdrik, şərəfli övladının öndərliyi ilə əldə etdiyi

misilsiz nailiyyətlərin salnaməsi göz önümüzə gələr.

             Milli şüurumuzun əsil intibah dövrü kimi tarixə həkk olunan bu illər siyasi və

iqtisadi bağımsızlığımızın təməl mərhələsi olmuş və dönməz davamlı inkişaf

mərhələsinə qədəm qoymuşdur.

             Əgər müstəqilliyimizin ilk illərində Azərbaycan bu dahi şəxsiyyətin tarixi

nüfuzu sayəsində tanınmağa başlamışdısa, sonrakı mərhələlərdə ölkəmiz dünya

siyasi və iqtisadi arenasında layiqli mötəbər yerə nail olmasıyla məşhurlaşmış və

aparıcı lider yerlərə ucalmışdır.

            Hələ Sovet İttifaqı tərkibində olduğu dövrdə Heydər Əliyev Azərbaycanı ən

qabaqcıl iqtisadi sənaye, aqrar, mədəniyyət, təhsil sahələrində tərəqqisi ilə

görünməmiş nailiyyətlərlə böyük uğurların etibarlı təməlini qoymuşdu.

         Daha sonralar müstəqillik dövrümüzdə Heydər Əliyev öz dühası ilə siyasi

istedadını, zəngin idarəçilik səriştəsini tətbiq etməklə xalqının firavanlığı və

dövlətin müstəqilliyi yolunda geridönməz uğurlara imza atdı.

         Ulu Öndərin Azərbaycana ən ümdə töhvələrindən başlıcası ən layiqli siyasəti

varisinin yetirməsindədir. Heydər Əliyev tərəfindən möhkəm təməllər üzərində

qurulmuş Azərbaycan idarəçilik sükanını qəbul etmiş İlham Əliyev dövləti və xalqı

tarixdə görünməmiş zirvələrə ucaltmışdır.

         Bütün sahələrdə - siyasətdə, iqtisadiyyatda, hərbdə, mədəniyyətdə, elmdə -  

rifahi inkişafda   əsaslı və davamlı inkişaflı islahatlar həyata keçirilmiş, ölkəmiz

regional lider dövlətə çevrilmişdir.

           Ali Baş Komandan İlham Əliyevin siyasi-hərbi istedadı sayəsində

Azərbaycanımızın ərazi bütövlüyü bərpa edilmiş, Vətənimizin ürəyi Qarabağ

həsrətinə son qoyulmuş, Zəfər əzmi hər bir Azərbaycanlının qəlbinə hakim

kəsilmiş, bizi Qalibiyyət Ruhlu xalqa çevirmişdir!

           Heydər Əliyevin ruhu bugün şaddır! Onun görmək istədiyi Azərbaycan

dünyanın sayılıb-seçilən dövlətləri sırasında ən öndə nüfuzlu yer almışdır, inamlı,

dönməz addımlarla davamlı inkişafını şərəflə təmsil etdirir.

                                                                     Baqir Cəfərli

                                                                       İctimai fəal