Monakoda partlayış: ukraynalı biznesmen və ailəsi yaralandı

Monakoda güclü partlayış baş verib.
Sedanews.az Axar.az-a istinadən xəbər verir ki, bu barədə “Monako-Matin” qəzeti məlumat yayıb.
Bildirilib ki, partlayışda bir neçə nəfər xəsarət alıb.
Hadisə yerinə xilasedicilər cəlb edilib.
İnsidentlə bağlı rəsmi informasiya yoxdur.
***
Monakoda hücuma məruz qalan şəxslər ukraynalı iş adamı, “Alef” korporasiyasının təsisçisi və Dnepr şəhərinin ən iri tikinti şirkətlərindən birinin sahibi Vadim Yermolayev, onun arvadı və 13 yaşlı övladıdır.
Bu barədə “Le Figaro” məlumat yayıb.
Bildirilib ki, 50–60 yaşlarında olan hər iki valideynin vəziyyəti kritikdir, yeniyetmənin vəziyyəti isə nisbətən stabildir.
Qeyd edək ki, Vadim Yermolayev 2019-cu ildə Ukrayna vətəndaşlığından imtina edərək Kipr pasportu alıb. 2023-cü ilin dekabrında Ukraynanın Milli Təhlükəsizlik və Müdafiə Şurası ona qarşı sanksiyalar tətbiq edib. O, Ukraynanın ən varlı 100 şəxsi sırasında yer alır.