Yüz yaşlı məktəb yenidən tikilir

                100 ilə yaxın tarixi olan, Azərbaycan SSR-inin ilk maarif nazirinin, yüzlərlə ziyalının, onlarla hərbçinin, 3 şəhidin təhsil aldığı Mehman Qafarov adına Siyov kənd tam orta məktəbi üçün yeni bina inşa edilir.
Sedanews.az xəbər verir ki, bu barədə təhsil eksperti Eşlən Qafarov qeyd edib. O bildirib ki, Heydər Əliyev Fondunun təşəbbüsü və dəstəyi ilə məktəb üçün yeni bina inşa edilir.
Tikinti işlərinə artıq start verilib. Təhsil eksperti bildirib ki, uzun illərdir bərbad vəziyyətdə olan məktəb təmir edilməmişdi. Bu səbəbdən də dağılma təhlükəsi vardı.
Ekspert ölkədə təhsil müəssələrinin tikintisinə, təhsilin infrastrukturunun yenidən qurulmasına daim diqqət və qayğı göstərən cənab Prezident İlham Əliyevə, Mehriban xanım Əliyevaya təşəkkürünü bildirib:
“Ən ucqar yaşayış məntəqələrimizdə belə infrastruktur yenilənir, ölkənin sosial-iqtisadi inkişafı təkcə şəhərlərdə deyil, ucqar kəndlərimizdə də aydın görünür”.

---

---