Yaddaş insan həyatının əsas sütunlarından biridir. Bizim keçmişdə yaşadıqlarımızı xatırlamağımız, yeni biliklər öyrənməyimiz və gündəlik həyatımızda düzgün qərarlar verməyimiz yaddaşımızdan asılıdır. Lakin bəzi hallarda yaddaş zəifləyə, unutqanlıq artmağa başlayır. Bu isə həyat keyfiyyətinə mənfi təsir göstərir.

Yaddaşın zəifləməsinin çoxsaylı səbəbləri ola bilər.
Əsas amillərdən biri uzun müddət davam edən stress və psixoloji gərginlikdir. Stress beyindəki neyronların fəaliyyəti üçün zərərli təsir göstərir və yaddaşın zəifləməsinə səbəb olur.
Yuxusuzluq da yaddaşın düşmənidir. Yuxu zamanı beyindəki məlumatlar möhkəmlənir, qavranılan biliklər yaddaşa köçürülür. Yuxu çatışmazlığı bu prosesi pozaraq, yaddaşın zəifləməsinə gətirib çıxarır.
Qidalanma da yaddaşın sağlamlığı üçün vacibdir. B qrupu vitaminlərinin, omeqa-3 yağ turşularının və antioksidantların azlığı yaddaşın zəifləməsinə təsir göstərir. Siqaret və alkoqol kimi zərərli vərdişlər də beyindəki hüceyrələrə ziyan vurur.
Həmçinin, fiziki hərəkətsizlik beyin qan dövranını zəiflədir, neyronların fəaliyyəti azalır və yaddaş zəifləyir.

  Həyat tərzində müəyyən dəyişikliklər etmək üçün, yaddaşın möhkəmlənməsiolduqca faydalıdır. 
Əvvəlcə, düzgün qidalanmaq vacibdir. Qoz, badam, balıq, avokado və yaşıl tərəvəzlər beyin sağlamlığını dəstəkləyir.
Yuxu rejimini qorumaq lazımdır. Gündəlik 7-8 saat keyfiyyətli yuxu yaddaşın möhkəmlənməsində böyük rol oynayır.
Zehni məşqlər də yaddaşı gücləndirir. Kitab oxumaq, bulmacalar, yeni dil öyrənmək, riyazi hesablamalar kimi fəaliyyətlər beyində neyronların əlaqəsini artırır.
Fiziki aktivlik yaddaş üçün faydalıdır. Mütəmadi idman və ya sadəcə gündəlik gəzintilər beyin qan dövranını yaxşılaşdırır və stressi azaldır.
 Stressi idarə etmək üçün meditasiya və nəfəs məşqləri etmək məsləhətdir. Stress azaldıqca yaddaş funksiyaları da yaxşılaşır.
 Nəticə olaraq, yaddaş zəifliyi qaçılmaz deyil. Sağlam həyat tərzi və düzgün vərdişlər yaddaşın qorunması və gücləndirilməsində ən vacib faktorlardır. Hər kəs öz yaddaşına qayğı göstərməklə həyatını daha rahat və xoşbəxt edə bilər.
  Sedanews.az