Növbədənkənar parlament seçkilərinə namizəd olaraq qatılmaq istəyən media təmsilçilərinin sayı sürətlə artmaqdadır. Bəs mətbuat nümayəndələrinin parlamentdə təmsilçiliyə olan bu marağı nə dərəcədə normal və anlaşılandır?
Moderator.az-a açıqlama verən media eksperti Elçin Şıxlı jurnalistlərin parlamentdə təmsil olunmaq istəklərini təbii qarşıladığını vurğuladı:
“Jurnalistlərin bu marağını təbii qiymətləndirirəm. Istənilən vətəndaş kimi jurnalistlər də parlamentdə təmsil olunmağa səy göstərə bilər. Parlamentdə təmsil olunmaq istəyən jurnalistlərin sayının çox olması hələ o demək deyil ki, onların hamısı keçəcək.
Burada qeyri-adi heç nə görmürəm. Jurnalistlər bizim cəmiyyətin ən fəal təbəqələrindən biridir. Ona görə də onların parlament seçkilərinə göstərdiyi bu marağı normal hesab edirəm”.