sedanews.az
sedanews.az

Bizi şəbəkədə zəhərləyənlər: onlarla nə edək? - BAŞ REDAKTORDAN

15-09-2020, 11:03 449 dəfə baxılıb

Bizi şəbəkədə zəhərləyənlər: onlarla nə edək? - BAŞ REDAKTORDAN


Vaxt var idi, onlar fəal şəkildə çalışırdılar hər ütüdən çıxıb "müdrik" kəlamlarını çatdırsınlar. Amma indi... susqunluq... Qulağı batıran susqunluq... Çünki havadarları onlardan istifadə ediblər və istifadə müddətləri artıq bitib. Söyüşcül blogerlər... Bunları belə də adlandırmaq olar. Onları pul-para ilə təmin et, sosial şəbəkələrdə ağzına gələni danışsınlar. Və sözlərini söyüşlərlə "bəzəsinlər". Çünki "həqiqət" yalnız bu şəkildə deyilməlidir. Pul-paranı isə bunlara çatdıranlar çoxdur - bəzi məmurlar, xarici dairələr, ölkəmizin inkişafını həzm edə bilməyən antimilli ünsürlər.
Bu məsələyə dövlətimizin başçısı da toxunur. Məsələn, Prezident İlham Əliyevin yeni dərs ilinin başlanması və Bilik Günü münasibətilə bugünkü müraciətində deyilir:
"Bu gün biz qloballaşma adı altında böyük siyasətin təzahürlərini görürük - gənclərin beyni bəzi xarici dairələr tərəfindən zəhərlənir, gənclər yoldan çıxarılır, onlar yalan informasiyalarla, böhtan, şər, təxribat xarakterli məlumatlarla üzləşirlər. Gənclər bəzi hallarda yəqin edə bilmirlər ki, hansı informasiya yalandır, hansı informasiya doğrudur. Ona görə müəllimlərdən çox şey asılıdır. Biz uşaqlarımızı, yeniyetmələrimizi, gənclərimizi xalqımıza, milli adət-ənənələrimizə zidd olan, dırnaqarası dəyərlərdən qorumalıyıq. Bizim uşaqlarımız Vətənə bağlı olmalıdır, xalqa bağlı olmalıdır, müstəqilliyi hər şeydən üstün tutmalıdır, milli ruhda, vətənpərvərlik ruhunda tərbiyə almalıdır, əsrlər boyu qoruduğumuz milli adət-ənənələrimizi qorumalı və onları müdafiə etməlidirlər. Belə olan halda Azərbaycan bundan sonra da müstəqillik və inkişaf yolu ilə gedəcək".
Dövlətimizin başçısı açıq şəkildə qeyd edir ki, gənclərin beyni bəzi xarici dairələr tərəfindən zəhərlənir. Niyə xarici dairələr? Çünki həmin müraciətdə qeyd edilir ki, "Bu gün Azərbaycan nadir ölkələrdəndir ki, tam müstəqil siyasət aparır - həm xarici, həm daxili". Bəli, bu müstəqil siyasəti bəzi dairələr həzm edə bilmir. Bu dairələrə müstəqil siyasət yürüdən dövlət yox, əmrlərini yerinə yetirən kölə ölkə lazımdır. Ona görə də vicdan hissi olmayanlara, Vətəni satanlara böyük həcmdə pullar xərclənir. Azərbaycan - gənc ölkədir, gənclər ölkəsidir. Ona görə də xarici dairələr, əl altındakı olan blogerlər xüsusi fəaliyyət göstərirlər - gənclər bəzi şeyləri dərk etməyə bilər, onları aldatmaq daha asandır. Xarici dairələr çox gözəl başa düşürlər ki, bugünkü gənclər yaxın gələcəkdə ölkəmizi daha böyük pillələrə daşıyacaq, Azərbaycan onların sayəsində daha qüdrətli və güclü olacaq. Ona görə də əsas hədəf onlardır, gənclər.
Amma qloballaşan dünyada ölkəmizin inkişafını istəməyən güclər hədəflərinə nail ola bilməyəcəklər. Çünki bugünkü Azərbaycan gənci daha çevikdir, həqiqəti yalandan ayıra bilir və ölkənin sürətli inkişafını təmin edə biləcək qüvvəyə çevrilib - bunu son təyinatlar bir daha təsdiq edir. Ona görə də susmağa davam, oyunu uduzdunuz, cənablar...
Anar İmanov
Milli.Az-ın Baş redaktoru






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA