Lukaşenkodan şok addım: Rusiyaya gözlənilməz zərbə

                Belarus Xarici İşlər Nazirliyi Rusiyanın “Kanal 1” televizyasının ölkədəki əməkdaşlarının akkreditasiyasını koronavirusla bağlı xəbərdən sonra ləğv edib.
Axar.az Teleqraf.com-a istinadən xəbər verir ki, “Belarus 1” dövlət televiziyası XİN-in qərarını belə izah edib:
“Bəli, Minsk daha sərt tədbirlərə hazırdır. Suveren bir ölkə olaraq, Belarus öz vətəndaşlarını təkcə maddi deyil, həm də informasiya baxımından - məsələn, yalan və saxtakarlıqlardan qorumaq hüququna malikdir”.
Rusiyanın Birinci kanalı hələlik məsələni şərh etməyib.
Bundan əvvəl Prezident Aleksandr Lukaşenko Rusiya mediasını respublikadakı koronavirusla bağlı vəziyyəti qərəzli şəkildə işıqlandırmaqda ittiham etmişdi.

---

---