İndoneziyanın Cənubi Borneo əyalətində göyərtəsində iki ekipaj üzvü və altı sərnişinin olduğu helikopter yoxa çıxıb.
Bu barədə  "Reuters" nəşri  xəbər verir.
"Helikopter Cənubi Borneo əyalətinin Manteve bölgəsində gözdən itib", - deyə xilasetmə agentliyinin rəhbəri Putu Sudayana bildirib.
O əlavə edib ki, axtarışlara təbii fəlakətlərin nəticələrinin aradan qaldırılması agentliyi və polis cəlb olunub.
Xilasetmə xidmətlərinin bildirdiyinə görə, hadisə baş verən ərazidə helikopterin axtarışı davam edir.