Hər bir ana övladının ilk sözünü eşitmək, gülüşünü duymaq, əlindən tutub həyat yollarını birgə keçmək arzusundadır. Amma bəzi anaların övladları səssiz dünyada yaşayır. Onlar baxışları ilə danışır, dünyanı fərqli duyur. Belə uşaqlardan biri də 5 yaşlı Orucov Nihat Kənan oğludur. Onun səssizliyinin adı – Kanner tipli autizmdir.
  Körpənin anası Samirə Orucova – Sedanews.az saytına üz tutaraq dərdini bölüşüb, kömək istəyib. O bildirir ki, ilk aylarda uşağının fərqli olduğunu anlamayıblar. Lakin zaman keçdikcə Nihat digər uşaqlardan fərqli davrandı, baxışları sabitləşdi, nitq inkişafı dayanıb. Həkimə aparıldıqdan sonra isə qoyulan diaqnoz ailənin həyatını alt-üst etdi: Kanner sindromu – autizmin ən ağır forması.  
   Nihatın gündəlik inkişafı üçün mütəmadi terapiyaya, psixoloq və loqoped dəstəyinə ehtiyac var. Amma bu, böyük maliyyə tələb edir. Samirə xanım deyir:  
"İmkanımız yoxdur. Əllərimi göyə açıb xeyirxah insanların köməyinə ümid edirəm."
 Reabilitasiya mərkəzləri, terapiya seansları – bütün bunlar autizmli uşağın həyat keyfiyyətini dəyişə bilər. Lakin maddi sıxıntı səbəbindən Nihat bu imkanlardan yararlana bilmir.
  Gəlin bu balaca mələyin dünyasını işıqlandıraq. Onun da səsi, sözü, gələcəyi olsun! Bu müraciət sadəcə bir ananın harayı deyil – bu, körpə bir qəlbin səssiz fəryadıdır.
  Əgər siz də kömək etmək istəyirsinizsə əlaqə saxlaya bilərsiniz.
 Samirə xanımın əlaqə nömrəsi: 070-525-62-03.  
S.Orucova bank kartı və əlaqə nömrəsini də yazıb:    
Kapital Bank 5239.1517.3928.6964 kart anaya aiddir.  Orucova Samirə adınadır.