Duada həmrəylik: Yəhudi İcması və Azərbaycan xalqı İsraildə son qətliam qurbanlarının xatirəsini birgə yad ediblər.
   Bu barədə REAL-a səfirlikdən bildirilib.
   Bakı, 15.10.23 – birlik və həmrəylik nümayişi olaraq yəhudi icmasının və Azərbaycan xalqının yüzlərlə nümayəndəsi Bakıdakı Dağ Yəhudiləri sinaqoquna gələrək İsraildə 1300-dən çox günahsız dinc sakinin həyatına son qoyan faciəvi HƏMAS terror aktına görə başsağlığı vermiş və öz dəstəklərini göstərmişlər.
Çıxış edənlər qətiyyətli səslə bəşəriyyətə qarşı törədilmiş bu dəhşətli cinayətləri şiddətlə pisləyiblər. Dağ Yəhudiləri İcmasının lideri Milix Yevdayev bildirib ki: “Bu çətin anlarda biz İsraillə həmrəyik və sülh və insanlıq naminə birgə öhdəliyimizdə qətiyyətliyik”.
   İsrail səfiri Corc Dik, HƏMAS-ın İsraili məhv etmək məqsədini açıqlayaraq bildirib ki: "Bu, uzun və çətin yol ola bilər. Ancaq bir şey dəqiqdir, bir şey danılmaz və qaçılmazdır: Biz qalib gələcəyik."
Faciəli şəkildə həyatını itirən 1300 israillinin xatirəsini yad etmək üçün təsirli dua mərasimi keçirilib. Şamlar yandırılıb, həlak olanlar və onların kədərli ailə üzvləri üçün ürəkdən dualar oxunub. Bu qüdrətli məqam yəhudi icmasının və Azərbaycan xalqının bu ən qaranlıq günlərdə İsraillə yan-yana dayanaraq göstərdiyi həmrəyliyinin sübutudur.

---

---