"Qəzzada Əl-Əhli xəstəxanasına edilən faciəli hücumdan dəhşətə gəldim".
REAL xəbər verir ki, bunu Avropa İttifaqı Şurasının Prezidenti Şarl Mişel "X" hesabında bildirib.
"Günahsız mülki şəxslər və tibb işçilərinin olduğu bir obyekti vurmaq üçün heç bir məntiqli səbəb yoxdur. Mülki infrastrukturun hədəf alınması beynəlxalq hüquqa ziddir.
  Bu hadisə ilə bağlı bütün faktların hərtərəfli araşdırılması və günahkarların məsuliyyətə cəlb olunması vacibdir", - Şarl Mişel bildirib.
Aİ rəsmisi həmçinin Qəzza zolağına humanitar yardımın dərhal çatdırılması üçün imkan yaradılmasına çağırış edib.

---

---