Çində koronavirusa yoluxma hallarının yenidən artması fonunda Pekində ümumilikdə 101 metrostansiyasının işi dayandırılıb.
REAL xəbər verir ki, paytaxtın əsas olaraq Fanşan, Çaoyan, Fentay, Tunçjou və digər bölgələrindəki metrostansiyalar bağlanıb.
COVID-19-a yoluxma halları artdığından Pekin bələdiyyəsi mayın 4-ü paytaxtda 64 metrostansiyasının işinin dayandırıldığını açıqlayıb. Mayın 12-si isə bağlanan stansiyaların sayı 92-yə çatıb. Ümumilikdə Pekin metrosunda 459 stansiya mövcuddur.
Qeyd edək ki, Pekində koronavirusa yoluxma hallarının artması səbəbindən uşaq bağçaları, məktəblər onlayn qaydada fəaliyyət göstərir.
Mətndə səhv var? Onu siçanla seçin və Ctrl+Enter düyməsini basın.