Deputat: “Bu qələbə Azərbaycanın adını tarixə qızıl hərflərlə yazdı”“

Erməni qoşunları Qarabağda darmadağın oldu. Ali Baş Komandanın sərkərdəlik qabiliyyəti nəticəsində Azərbaycanın ərazi bütövlüyü bərpa edildi. Bu qələbə Azərbaycan liderini dünya liderlərinin tarixdə ən yüksək səviyyədə olan liderlər siyahısına yüksəltdi”.
Oxu.Az-ın müxbiri xəbər verir ki, bunu Milli Məclisin bu gün keçirilən plenar iclasında Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov deyib.
O bildirib ki, bu qələbə Azərbaycanın adını tarixə qızıl hərflərlə yazdı:
“Bu qələbə Azərbaycan tarixinin qızıl səhifəsidir”.