Ali Məhkəmənin yeni qərarına əsasən, tikinti şirkətləri vətəndaşlara vurduğu zərəri ödəyərkən yalnız eyni sahəli (kvadratmetr) mənzil deyil, əvvəlki əmlakla eyni xüsusiyyətlərə (yerləşmə, mərtəbə, mənzərə) malik obyekt təqdim etməlidir. Məhkəmə, zərərçəkənlərin hüquqlarının real bərpası üçün hökmdə obyektin parametrlərinin dəqiq göstərilməsini və qeyri-müəyyənlik olduqda izahat verilməsi hüququnu presedent kimi müəyyən edib.

      Ali Məhkəmənin mövqeyinə əsasən, cinayət işləri çərçivəsində vətəndaşlara vurulmuş zərərin naturada (əmlakla) ödənilməsi qaydalarına xüsusi dəqiqlik gətirilib: 

 

   Bir cinayət işi çərçivəsində tikinti şirkəti tərəfindən zərərçəkmiş şəxsə bina istismara verilənədək aylıq 1 200 manat icarə haqqının ödənilməsi və yeni binada qeyri-yaşayış sahəsinin verilməsi qərara alınmışdı. Lakin hökmdə obyektin dəqiq yeri və istiqaməti göstərilmədiyi üçün icra mərhələsində problem yaranmışdı.

  Aşağı instansiya məhkəmələri vətəndaşın izahat tələbini rədd etsə də, Ali Məhkəmə bu qərarı ləğv edərək vətəndaşın xeyrinə qərar çıxarıb və qeyri-müəyyənliyin aradan qaldırılmasını tələb edir.