Bu gün Ukrayna Rusiyanın “kölgə donanması”na aid 11 gəmini vurub.
APA xəbər verir ki, bu barədə Ukrayna Pilotsuz Sistemlər Qüvvələri “Telegram” kanalında məlumat yayıb.
Məlumata görə, gün ərzində 5 neft tankeri, 1 qaz daşıyan tanker, 3 quru yük gəmisi və 2 yedək gəmisi hədəfə alınıb.
   Qurumun məlumatına əsasən, hücumlar Qara və Azov dənizlərində aparılıb.
Ukrayna tərəfi bildirib ki, iyulun 6-dan 16-dək davam edən “MoLoÇKa” əməliyyatı çərçivəsində ümumilikdə Rusiyanın “kölgə donanması”na aid 147 gəmi vurulub. Onlardan 117-si Azov dənizində, 30-u Qara dənizdə hədəfə alınıb.