Ötən gün vəfat edən Xalq artisti Tamilla Şirəliyevanın dəfn yeri məlum olub.
Mərhum balet ustası Qurd qapısı qəbiristanlığında dəfn ediləcək.
Mərhumla saat 10:30-də Təzə Pir məscidində vida mərasimi olacaq.
Tamill Şirəliyeva 8 dekabr 1946-cı ildə Bakı şəhərində anadan olub. 1964-cü ildə Bakı Xoreoqrafiya Məktəbini bitirib. Həmin ildən Azərbaycan Dövlət Opera və Balet Teatrının solisti olub.
O, 1970-ci ildə “Əməkdar artist”, 1978-ci ildə “Xalq artisti” fəxri adları ilə təltif olunub. 2002-ci ildə Azərbaycan Respublikası Prezidentinin fərdi təqaüdünə, 2006-cı ildə isə "Şöhrət" ordeninə layiq görülüb.