sedanews.az
sedanews.az

Paşinyandan Zəngəzur dəhlizi açıqlaması: Hazırıq!

8-09-2021, 12:14 350 dəfə baxılıb

Paşinyandan Zəngəzur dəhlizi açıqlaması: Hazırıq!

Ermənistan bölgədə kommunikasiyaların açılmasında qərarlıdır.
 Bunu Ermənistan baş naziri Nikol Paşinyan hökumətin iclasında deyib.
Paşinyan xatırladıb ki, avqustun 24-də hökumətin 5 illik proqramını parlamentə təqdim edərkən qonşu ölkələrlə münasibətlərin dərinləşdirilməsi və ya normallaşdırılmasının Ermənistan hakimiyyəti üçün ən vacib iş sahələrindən biri olacağını deyib.
“Bildiyiniz kimi, yenidən baş nazir vəzifəsinə seçildikdən sonra artıq İrana səfər etdim və bu gün də Gürcüstana gedirəm. Həm İran, həm də Gürcüstanla müzakirə olunan məsələlərin gündəliyində regional kommunikasiyaların inkişafı mövzusu ciddi rol oynayır və bu kontekstdə Şimal-Cənub layihəsinə önəm verirəm”, - Paşinyan bildirib.
Onun sözlərinə görə, Ermənistanın Rusiya və İranla dəmir yolu əlaqəsi qurması son dərəcə vacibdir. Bu məsələnin üçtərəfli formatda (Ermənistan, Rusiya, Azərbaycan) həlli üçün kommunikasiyaların açılması məsələsi müzakirə olunur:
“Bakının Naxçıvanla da əlaqə qurmaq istədiyini anlayaraq, konkret nəticələr əldə etmək üçün səy göstərməyə qərarlıyıq və hazırıq”.
Axar.az






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA