Rəfael Əvəz oğlu Əsədov — Azərbaycan Respublikasının Milli Qəhrəmanı adını ölümündən sonra almış igid şəxsiyyətdir. O, şücaəti, döyüş yolu və vətənpərvərliyi ilə xalqımızın yaddaşında silinməz şəkildə qalmışdır.
  Rəfael Əsədov 27 oktyabr 1952‑ci il tarixində Gəncə şəhərində anadan olub. 1969‑cu ildə orta məktəbi bitirdikdən sonra Tbilisi Ali Artilleriya Məktəbinə daxil olur. Buradakı təhsilini uğurla başa vurduqdan sonra, 1973‑cü ildə Sankt‑Peterburq Hərbi Artilleriya Akademiyasında ali təhsilini davam etdirir və oradan da məzun olur.
  Rəfael Əsədov SSRİ Silahlı Qüvvələri sıralarında xidmət edərək liytenant rütbəsindən başlayaraq polkovnik rütbəsinə qədər yüksəlib və müxtəlif ölkələrdə — o cümlədən Macarıstan, Vyetnam və Əfqanıstan kimi ölkələrdə xidmət göstərmişdi
   Onun döyüş yolu Ağdam, Goranboy, Tovuz və Gədəbəy döyüş bölgələrində aparılan əməliyyatlarda özünü göstərmişdir və əməliyyatların çoxu uğurla nəticələnmişdir.
  Rəfael Əsədov 12 noyabr 1992‑ci ildə Ağstafa rayonunda əməliyyatlar zamanı həlak olur. Onun qəhrəmanlığı və vətənpərvər fəaliyyəti sonradan ölkə rəhbərliyi tərəfindən yüksək qiymətləndirilir.
  Azərbaycan Respublikası Prezidentinin 16 sentyabr 1994‑cü il tarixli 202 saylı fərmanı ilə Rəfael Əvəz oğlu Əsədov ölümündən sonra “Azərbaycanın Milli Qəhrəmanı” fəxri adına layiq görülmüşdür.
O, Bakı şəhərindəki Şəhidlər Xiyabanında dəfn edilmişdir— bu, onun Vətənə və xalqına əbədi sədaqətinin simvoludur.
  O, ailəli idi və iki övladı yadigar qalmışdır. 
  Rəfael Əsədovun xatirəsi müxtəlif yerlərdə ehtiramla yad edilir. Onun adını daşıyan küçələrdən biri Ağstafa rayonunda yenidən qurularaq istifadəyə verilib və bu, onun xidmətlərinin xalq tərəfindən daim ehtiramla xatırlanmasının bir nümunəsidir.
Hər il oktyabrın 27‑də Gəncə şəhərində, “Həyatda qəhrəmanlığa həmişə yer var” adlı tədbirlər keçirilir və burada Rəfael Əsədovun, eyni zamanda digər Milli Qəhrəmanların xatirəsi yad edilir.
  Rəfael Əsədov həyatını Vətənin müdafiəsinə həsr etmiş bir sərkərd olaraq həm döyüş əməliyyatlarında, həm də nizami ordunun qurulmasında mühüm rol oynayıb. O, xalqının və dövlətinin təhlükəsizliyi üçün canından keçməklə, gənc nəsillərə milli şüur, vətənpərvərlik və fədakarlıq nümunəsi göstərib.
Ruhu qarşısında ehtiramla baş əyirik!
Allah rəhmət eləsin

  Sedanews.az