sedanews.az
sedanews.az

Quba rayonunda səhlənkarlıq hökm sürür – Ruslan Şahbalayev vəzifəsinin öhdəsindən gəlmir

14-07-2025, 10:52



Quba rayon icra nümayəndəsinin müdiri Ruslan Şahbalayevin fəaliyyətsizliyi və vətəndaşlara qarşı biganə münasibəti artıq ictimai narazılığa səbəb olmaqda davam edir. Yerli əhalinin uzun müddətdir şikayət etdiyi problemlər, görünür, bu şəxs üçün nə narahatedici, nə də məsuliyyət doğuran məsələlərdir.
Rayonun müxtəlif küçə və məhəllələrində yığılıb qalmış zibillər nəinki ümumi görünüşü korlayır, eyni zamanda sağlamlıq üçün ciddi təhlükə yaradır. Bu sahədə məsul şəxslərin göz yumduğu vəziyyət artıq dözülməz həddə çatıb. Hətta ərazidən çəkilmiş fotolarda acınacaqlı mənzərə açıq şəkildə görünür: natəmizlik, pis qoxu, sahibsiz küçələr...




Məsuliyyət daşımalı olan Ruslan Şahbalayev isə problemlərin içində boğulan vətəndaşları saatlarla telefonda gözlədərək, onları cavabsız buraxır. Bir çox şikayətçilər bildirir ki, bəzən telefon danışığı adı ilə saatlarla gözlətdirilir, daha sonra isə “vaxtım yoxdur” bəhanəsi ilə yola salınırlar. Bu, dövlət vəzifəsinə təyin olunmuş şəxsin xalqla ünsiyyətdə nümayiş etdirdiyi sayğısızlığın bariz nümunəsidir.
Məlumatlara görə, bəzi kəndlərdə yollar bərbad vəziyyətdədir, infrastruktur dağılmaq üzrədir, amma Şahbalayev bu problemlərə göz yumur. Vətəndaş qəbul günləri isə daha çox formal xarakter daşıyır: şikayətlər dinlənir, amma heç biri icra olunmur. Seçilmiş və ya təyin olunmuş hər bir məmurun borcu xalqın problemlərini dinləmək və onu həll etməkdirsə, Ruslan Şahbalayev bu məsuliyyətin altından qaçır.
Əldə olunan qeyri-rəsmi məlumatlara əsasən, rəhbərlik etdiyi ərazi nümayəndəliyində şəffaflıq və hesabatlılıq prinsiplərinə də əməl olunmur. Kənd və qəsəbə sakinlərinin sözlərinə görə, bəzi yerlərdə fərdi yanaşma var – tanış-bilişlə gələnlər dərhal cavab alır, digərləri isə illərlə cavabsız qalır.
Bu qədər açıq-aşkar səhlənkarlıq qarşısında sual yaranır: Dövlət məmuru vəzifəsini yerinə yetirmirsə, bu vəzifədə qalmasının mənası nədir?
Əgər bu laqeydlik davam edərsə, Qubada ictimai narazılığın daha da artması qaçılmaz olacaq. Vətəndaşlar cavab və ədalət istəyir – təkcə boş vədlər yox, real nəticə.



Afət Məmmədova













Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA