sedanews.az
sedanews.az

Dövlət Komitəsində Dünya Bankı nümayəndələri ilə görüş olub

14-02-2024, 11:59 156 dəfə baxılıb

   Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Dünya Bankının nümayəndə heyəti ilə görüşüb.
  Dövlət Komitəsindən REAL-a bildirilib ki, qonaqlara Böyük Qayıdışa dair I Dövlət Proqramının Tədbirlər Planını çərçivəsində komitə tərəfindən həyata keçirilən işlər barədə məlumat verilib. Bildirilib ki, işğaldan azad edilmiş ərazilərdə Prezident İlham Əliyevin rəhbərliyi ilə aparılan bərpa-quruculuq işləri məcburi köçkünlərin təhlükəsiz şəraitdə, könüllü və ləyaqətlə doğma yurda geri qayıdışına şərait yaradır. Bununla yanaşı, Birinci vitse-prezident Mehriban xanım Əliyevanın da diqqəti və qayğısı sayəsində məcburi köçkünlərin sosial müdafiəsinin təmin olunması, yaşayış şəraitinin yaxşılaşdırılması, məşğulluğunun artırılması istiqamətində də zəruri tədbirlər icra edilir.
  Qonaqlar, həmçinin Böyük Qayıdışı ləngidən hal kimi işğal dövründə və sonrakı mərhələdə Ermənistanın Azərbaycan ərazilərində törətdiyi mina terrorunun ağır nəticələri barədə də məlumatlandırılıb.
  Dünya Bankının nümayəndələri – Azərbaycan ofisinin rəhbəri Steffi Stallmayster, Avropa və Mərkəzi Asiya regionu üzrə baş müşavir Adam Şayn, sosial inkişaf üzrə mütəxəssis Alkadevi Patel görüşün təşkilinə və ətraflı məlumata görə minnətdarlıq bildirib, məcburi köçkünlərlə bağlı əməkdaşlığın əhəmiyyətini qeyd edib və bundan məmnunluqlarını ifadə ediblər.
Görüşdə qarşılıqlı maraq doğuran digər məsələlər müzakirə olunub.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA