V.Putin: Nüvə silahı dövlətimizin təhlükəsizliyinin əsas təminatçısıdır
Rusiya nüvə arsenalından istifadə ilə bağlı qaydaları və ilkin şərtləri dəyişdirməyi nəzərdən keçirə bilər.
  Bunu Rusiya Prezidenti Vladimir Putin Təhlükəsizlik Şurasının nüvə silahından çəkindirmə üzrə daimi iclasında qeyd edib.
  Prezident strateji planlaşdırmanın müasir şəraitə uyğunlaşdırılmasının vacibliyini qeyd edib. Onun sözlərinə görə, nüvə silahının qarşısının alınması sahəsində Rusiya dövlət siyasətinin əsaslarına dair dəqiqləşdirmələr yoxlanılır. Bunlar hərbi təhdid və risklərə mütənasibdir.
  “Nüvə silahından istifadə şərtlərinin müəyyənləşdirilməsi ilə bağlı bir sıra dəqiqləşdirmələrin aparılması təklif olunub” - dövlət başçısı vurğulayıb.
  Putin həmçinin əlavə edib ki, sənədin yenilənmiş variantında hər hansı qeyri-nüvə dövlətinin Rusiyaya qarşı təcavüzü, onun nüvə dövlətinin iştirakı və ya dəstəyi ilə Rusiya Federasiyasına birgə hücumu kimi qiymətləndiriləcək. Nüvədən qorunma sahəsində Rusiya dövlət siyasətinin prinsipləri layihəsində ölkələr və hərbi ittifaqlar kateqoriyası, hərbi təhdidlərin siyahısı genişləndirilib.
Putin nüvə silahlarından istifadənin ölkənin suverenliyini qorumaq üçün “son çarə” olduğunu vurğulayıb.
  Onun sözlərinə görə, nüvə silahına malik hər hansı dövlət, Rusiya-Ukrayna münaqişənə qoşularsa, Rusiya nüvə silahlarından istifadə etmək məcburiyyətində qalacaq.
  Putinin bu açıqlamaları Ukrayna lideri V.Zelenskinin ABŞ-də olduğu və Ağ ev lideri Co Baydenlə görüşə hazırlaşdığı vaxta təsadüf edib.
  Zelenski ABŞ başda olmaqla müttəfiq dövlətlərdən təmin etdiyi silahlardan Rusiya ərazisində istifadə edilməsinə icazə verilməsini tələb edir.
Putin bildirib ki, Qərb ölkələrinin silahlarının Rusiya ərazisində mümkün istifadəsi, NATO-nun Rusiya ilə birbaşa müharibəyə başlaması demək olacaq.
  Kreml lideri bildirib ki, ölkənin sahib olduğu nüvə silahı “dövlətin və onun vətəndaşlarının təhlükəsizliyinin ən mühüm təminatıdır.
  “Nüvə silahlarının dünya üçün ekzistensial bir təhlükə olduğu məlumdur, bu atılacaq ən son addımdır. Lakin, biz bunu istisna etmirik. Rusiya və Belarusa qarşı açıq hücum halında bu silahlardan istifadə etmək hüququnu özümüzdə saxlayırıq. Suverenliyimiz üçün təhlükə yarandığı halda bizim bu planımız işə düşəcək. ” – Putin deyib.
   İkinci Dünya Müharibəsinin bitməsindən bəri nüvə silahına malik dövlətlər çəkindirmə siyasəti ilə məşğul olurlar ki, bu da müharibə edən dövlətlərin böyük nüvə zərbələri endirməsinin qarşılıqlı təminatlı məhvə səbəb olacağı fikrinə əsaslanır.
   Lakin geniş yayılmış radioaktiv tullantılar olmadan hədəfləri məhv etmək üçün nəzərdə tutulmuş daha kiçik döyüş başlıqları olan taktiki nüvə silahları da mövcuddur.
İyun ayında Putin Ukraynanı dəstəkləyən Avropa ölkələrinə xəbərdarlıq edərək Rusiyanın “Amerika Birləşmiş Ştatları-dən gətirilən silahlar da daxil olmaqla, Avropa qitəsində olduğundan daha çox [taktiki nüvə silahına sahib olduğunu bildirmişdi.”.
   Daha əvvəlki açıqlamalarında kreml lideri, potensial nüvə hücumunun dünya üçün təhlükə yarada biləcəyi ilə bağlı suala: “Rusiyasız dünya təsəvvür edə bilmirəm və etmək də istəmirəm. Bizim üçün Rusiyanın yox edilməsi, elə dünyanın sonu deməkdir”

---

---