Rusiyanın Komi Respublikasında Vorkuta-Novorossiysk sərnişin qatarının doqquz vaqonu relsdən çıxıb.
Milli.Az bildirir ki, bu barədə Rusiya Dəmir Yollarının məlumatında deyilir.
  Bildirilir ki, hadisə yerinə fövqəladə xidmətlər göndərilib və sərnişinlərə yardım üçün tədbirlər görülür. Ərazidə qatarların hərəkəti dayandırılıb.
  Qatardakı 14 vaqonda olan 232 sərnişindən 70 nəfərin xəsarət aldığı bildirilir. Onlardan 10 nəfərin vəziyyəti çox ağırdır.