Rusiya bu ölkədə hərbi baza yaradır

Sudan ölkədə Rusiya hərbi bazasının yaradılması ilə bağlı razılaşmaların icrasına davam edəcək.
 Bunu Sudanın hakim Suveren Şurasının rəhbəri Əbdülfəttah Burxana deyib.
“Bizim razılaşmamız var və bunun da bir hissəsi bazanın yaradılması haqdadır. Bu mövzunu daim müzakirə edirik və bəzi qeydlərimiz var ki, onlara müraciət etmək lazımdır. Biz beynəlxalq müqavilələrə sadiqik və onları sona qədər icra etməyə davam edəcəyik”, - Burxana bildirib.
Qeyd edək ki, bir müddət öncə Sudan Müdafiə Nazirliyindəki mənbə Port-Sudanda Rusiya hərbi bazasının yaradılacağı ilə bağlı məlumat vermişdi.
Axar.az

---

---