sedanews.az
sedanews.az

Qazaxıstan Prezidenti Azərbaycanla Ermənistan arasında vasitəçiliyini təklif edib

15-04-2024, 12:59 138 dəfə baxılıb


  Qazaxıstan Prezidenti Kasım-Jomart Tokayev Azərbaycanla Ermənistan arasında danışıqlar üçün vasitəçiliyini təklif edib.
  REAL xəbər verir ki, o, bu barədə İrəvanda Ermənistanın baş naziri Nikol Paşinyanla birgə keçirdiyi mətbuat konfransında deyib.
 "Qazaxıstan İrəvan və Bakıya maksimum kömək göstərməyə və iki ölkə arasında danışıqlar üçün platforma təqdim etməklə, xoşməramlı missiyanı yerinə yetirməyə hazırdır.
 Biz İrəvan və Bakının sülh sazişini imzalamaq istəyini alqışlayırıq. Əsas məqsədimiz bizə dost olan iki ölkənin mövqelərini bir araya gətirmək, regionda sabit və dinc inkişaf üçün kommunikasiyaların açılmasını təmin etməkdir", - o söyləyib.
  Tokayev Ermənistanın Cənubi Qafqazda nəqliyyat əlaqələrini aktivləşdirmək cəhdlərini yüksək qiymətləndirdiyini vurğulayaraq, Astananın Paşinyan tərəfindən irəli sürülən “Dünyanın kəsişməsi” layihəsini dəstəklədiyini deyib. Qazaxıstan Prezidenti ölkəsi ilə Ermənistan arasında aviadaşımaların stimullaşdırılmasının vacibliyini bildirib.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA