Ordumuzun ermənilərə qadağasının “səbəbi” açıqlandı 

11:33
Ordumuzun Qarabağdakı döyüş meydanlarında erməni əsgər meyitlərinin axtarılmasını qadağan etməsinin “səbəbi” açıqlanıb.
Axar.az xəbər verir ki, erməni mediası bunun azad edilən ərazilərdə Azərbaycan Ordusunun “müəyyən işlər görməsi” ilə bağlı olduğunu bildirib.
Qeyd edək ki, Azərbaycan Ordusu ötən gündən erməni axtarış qruplarına Qarabağdakı döyüş meydanlarında əsgər meyitlərinin axtarılmasını qadağan edib. Qeyri-rəsmi məlumata görə, buna səbəb Ermənistanın Qarabağda basdırılan mina xəritələrini və Murov ətrafında Azərbaycan əsgərlərinin dəfn edildiyi yerin dəqiq ünvanını verməməsidir.
Bu vaxta qədər isə Azərbaycan Ordusunun yaratdığı şərait nəticəsində Qarabağdakı döyüş meydanlarında 1355 erməni əsgərin meyiti tapılıb.

---

---