Osmanlını bu bölgə yıxdı, Türkiyə təcili gəlməlidir

Bu bölgə 1-ci və 2-ci Dünya müharibələrinin başlanğıc nöqtəsi idi. Hazırda supergüclər bölgəyə toplaşır.
Axar.az xəbər verir ki, bu sözləri Bosniya müharibəsinin liderlərindən olan və Bosniya dövlət himninin müəllifi professor Cəmaləddin Latic deyib.
O, Serbiya tərəfinin qəsdən gərginliyi artırdığını və bölgəni yeni xaosa sürükləməyə çalışdığını bildirib:
“Serblər Monteneqro, Kosovo, Bosniya və Makedoniyanın daxil olduğu coğrafiyada Böyük Serbiya arzusundadırlar. Gərginlik azaldılmasa, Üçüncü Dünya müharibəsi eyni bölgədə yarana bilər”.
Latic Osmanlı i̇mperiyasını məhv edən mənfi hadisələrdə də mərkəz olaraq bölgəni göstərib:
“Türkiyə öz gücünü regionda hər aspektdə daha güclü hiss etdirməlidir. O, burada olmalıdır”.

---

---