Qazaxıstan Prezidenti hökumətin istefasını qəbul edib - YENİLƏNİB

Qazaxıstan prezidenti Kasım-Jomart Tokayev hökumətin istefasını qəbul edib.
"Zakon.kz" saytının məlumatına görə, bu barədə dövlət başçısının mətbuat xidmətindən bildiriblər.
"Qazaxıstan Respublikası Hökumətinin istefası qəbul edilsin. Qazaxıstan Respublikasının Baş nazirinin səlahiyyətlərinin icrası müvəqqəti olaraq Əlixan Asxanoviç Smailova həvalə edilsin", - deyə dövlət başçısının fərmanında deyil.
Qeyd edilir ki, hökumət üzvləri hökumətin yeni tərkibi təsdiq olunana qədər öz vəzifələrini icra etməyə davam edəcəklər.
"Bu Fərman imzalandığı gündən qüvvəyə minir", - deyə qeyd edilir.

---

---