Həbslər gedən Neftçala İH-nin vəzifəliləri kimlərdir?

                Ötən gün səhər saatlarından başlayaraq Dövlət Təhlükəsizliyi Xidməti Neftçala Rayon İcra Hakimiyyətində əməliyyat aparır.
Axar.az xəbər verir DTX əməliyyatla bağlı ilkin məlumatda həbslər aparıldığına vurğu edib. Bildirilir ki, Neftçala Rayon İcra Hakimiyyətinin vəzifəli şəxsləri səlahiyyətlərindən sui-istifadə edərək, vətəndaşların hüquqlarına, cəmiyyətin və dövlətin qanunla qorunan mənafelərinə mühüm zərər vuran çoxsaylı cinayət əməllərinə yol vermələri ilə bağlı başlanılmış cinayət işi üzrə kompleks əməliyyat-istintaq tədbirləri həyata keçirilir.
Bu məlumatın ardınca Prezident İlham Əliyevin rayon İH başçısının rəhbəri İsmayıl Vəliyevi vəzifədən azad etməsi də təsadüfən deyildi. Xatırladaq ki, analoji hal Ağstafa rayonunun icra başçısı Nizaməddin Quliyev də əməliyyat keçirilən gün vəzifədən azad edilmiş və həbs olunmuşdu.
DTX-nın məlumatında “İcra Hakimiyyətinin vəzifəli şəxsləri” ifadəsi isə bir neçə şəxs barəsində araşdırma getdiyini təsdiqləyir.
Qeyd edək ki, Neftçala Rayon İcra Hakimiyyəti başçısının birinci Vurğun Nizami oğlu Əkbərov, digər müavini, İctimai siyasi və humanitar məsələlər şöbəsinin müdiri Gültəkin Zakir qızı Sadıqovadır. Baş mühasib Eyvaz Əliyev, başçının köməkçisi Natiq Kazımovdur.
Ərazi idarəetmə və yerli özünüidarəetmə orqanları ilə iş şöbəsinin müdiri Anar Cəfərov, Hüquq şöbəsinin müdiri Sadiq Abbasov, Memarlıq və tikinti şöbəsinin müdiri Vüqar Nağıyevdir.
Xatırladaq ki, ətraflı rəsmi məlumatın yaxın müddətdə yayılacağı gözlənilir.

---

---