sedanews.az
sedanews.az

Bakıdan Bişkekə böyük jest - Qırğızlar açıqladı

15-07-2021, 11:52 21 dəfə baxılıb

Bakıdan Bişkekə böyük jest - Qırğızlar açıqladı

Azərbaycan Respublikası Qırğız Respublikasına 40 min doza “AstraZeneca” peyvəndi verilməsini nəzərdə tutan humanitar yardım göstərməyi planlaşdırır.
Axar.az xəbər verir ki, bu barədə məlumatı Qırğızıstan Xarici İşlər Nazirliyi yayıb.
1-3 iyul tarixlərində Qırğız Respublikasının xarici işlər naziri R.A.Kazakbayevin Azərbaycana rəsmi səfəri zamanı əldə edilmiş razılaşmaların inkişafı, həmçinin koronavirus infeksiyasının yayılmasına qarşı mübarizə məqsədilə Azərbaycan Qırğızıstana humanitar yardım çərçivəsində 40 min doza “AstraZeneca” peyvəndinin verilməsini planlaşdırır.
Hazırda tərəflər peyvəndin daşınması üçün bütün saxlanılma şərtləri və tələblərinin təmin edilməsi üçün logistika məsələlərini araşdırırlar.
“Qırğız Respublikası koronavirus peyvəndi bağışladığı üçün Azərbaycan Respublikasına səmimi təşəkkürünü bildirir. Bu, 20 min Qırğızıstan vətəndaşının həyatını və təhlükəsizliyini qoruyacaq.
Qırğızıstan və Azərbaycan xalqları çoxəsrlik dostluq ənənələrinə və strateji tərəfdaşlıq münasibətlərinə sadiq qalaraq mövcud vəziyyətdə bir-biri ilə həmrəylik və qarşılıqlı dəstək nümayiş etdirirlər”, - məlumatda qeyd olunub.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA